O ESCONDIDIÑO - REDONDELA

Continúan chegando

2009-05-20T11:00:00.001-07:00

Temos O Escondidiño cheo de títeres

2009-05-20T10:55:00.000-07:00

¡Xa hai máis de 30 títeres e continúan chegando!

CHEGAN OS PRIMEIROS TÍTERES Ó ESCONDIDIÑO

2009-05-18T10:52:00.000-07:00

O Taller: Un títere en 4 minutos

2009-05-11T11:10:00.001-07:00

Tipos de Títeres: Títere de varilla

2009-05-11T10:57:00.000-07:00

Son aqueles cuxo movemento conséguese articulando os membros do boneco e movéndoos mediante unhas varillas.
Existen moitos tipos de monicreques de varilla. Unha descrición un pouco máis ampla podería ser a seguinte:
Boneco que consiste nun vástago central como armazón do corpo, que se sostén sobre unha peana, e dous brazos a cuxos extremos van suxeitas dúas varillas de metal ou madeira.
Pode ser manexado por unha ou dúas persoas, unha suxeitando a parte do corpo e outra controlando o movemento dos brazos.
Na peana central pode ter incorporada unha "pistola", é dicir, un mecanismo, normalmente de madeira, desde o cal pódense controlar os movementos de partes da cabeza ou o rostro do monicreque: como os ollos, a boca, as cellas, etc.
A súa vez estes títeres poden combinarse con outras técnicas, por exemplo, con luva para o movemento da cabeza e varillas para o das mans; tamén, e no mesmo sentido que no anterior, podemos ver a utilización de "muppets" para a cabeza (que a diferenza do anterior, pode ter movemento de boca) e varillas para o movemento dos brazos e mans.

Actualidad: www.fantoches.org a web do Festival de Títeres de Redondela

2009-05-11T10:46:00.000-07:00

Xa está activa a web do Festival de Títeres de Redondela.
Aquí está a presentación do evento:

O FESTIVAL INTERNACIONAL DE TÍTERES DE REDONDELA (Memorial Juanjo Amoedo) vai conmemorar o seu décimo aniversario nunha festiva edición que se celebrará do 18 ao 24 de Maio de 2009. De novo as rúas, prazas e xardíns da vila servirán de escenario para artistas, músicos e titiriteiros das máis variadas procedencias.

A organización do evento, compartida pola ASOCIACIÓN XENTE TITIRITEIRA e a Concellería de Cultura do Concello de Redondela, mantén a vocación internacional do FESTIVAL, presentando nesta ocasión os traballos e espectáculos de compañías profesionais de: Benin, Brasil, Arxentina, Francia, Alemaña, Eslovenia, Bélxica, Italia Castela-León, Andalucía, Aragón, Cataluña e Galicia. Unha festa da diversidade que encherá de novo Redondela de marionetas de fíos, títeres tradicionais, vangardas creativas, xogos participativos,animación de rúa e unha chea de sorpresas.

Seguindo a filosofía do seu creador, Juanjo Amoedo, o FESTIVAL continúa na liña de involucrar na súa celebración a maior cantidade posible de institucións, de sectores sociais e de xentes da vila , para manter este acontecemento como a maior manifestación cultural de Redondela.
Así, o FESTIVAL conta xa có apoio económico de diversas institucións políticas, económicas e sociais de índole estatal, autonómica, provincial e local, e na súa organización participan de forma voluntaria arredor de 50 persoas procedentes de diferentes colectivos e agrupacións locais que conforman a ASOCIACION XENTE TITIRITEIRA.

Na pasada edición de 2008 superóuse sobradamente a cantidade de 25.000 espectadores nas diferentes seccións da programación: escolar, adultos, familiar e de rúa , polo que as previsións para este ano son inmellorables e espéranse arredor de 30.000 asistentes

Ademáis, os títeres e marionetas chegarán tamén, coma en pasadas edicións, as vilas de Moaña , O Porriño e O Grove...

www.fantoches.org

O Taller: Facendo un títere de luva

2009-05-11T10:39:00.000-07:00

Tipos de Títeres: Títere de luva

2009-05-11T10:18:00.000-07:00

Os títeres de luva son aqueles bonecos que se manipulan colocando a man no seu interior. Chámanse de luva porque o vestido que levan aseméllase a unha luva e adáptase perfectamente á man do titiritero. Ao ser o movemento do boneco o mesmo que efectúa a man, confírelles unha axilidade sorprendente e inimitable por calquera outro tipo de bonecos.

A continuidade física, entre manipulador e figura traduce directamente o xesto do primeiro ao xesto da segunda.

Os títeres de luva á súa vez diferéncianse no manexo:

Clásico: dedo índice para a cabeza, corazón e pulgar para os brazos (ás veces tamén meñique e pulgar)
Catalán: dedo índice, corazón e anular para cabeza e ombreiros, meñique e pulgar para os brazos.
Xaponés: a cabeza leva na súa base unha bóla que se suxeita entre os dedos índice e corazón e as mans van enganchadas directamente nos dedos pulgar e meñique. O traxe vai colocado posteriormente sobre a man.

Nas súas orixes, o espectáculo de títeres de luva era rudo e violento. En Sicilia, é o teatro de Polichinela: elemental e enigmático rito de loita e morte, que recibe outros nomes en distintos países: Punch e Judy en Inglaterra, don Cristóbal Polichinela en España, Petruska en Rusia. En todos eles o protagonista dialogaba co público e implicábao nunha alegre serie de asasinatos que se estendían desde os veciños ata os representantes do poder: o policía, o verdugo, e os personaxes sobrenaturais: a morte, o diaño.

Variacións: Un tipo de titere que se podria considerar como unha variacion é aquel en que se pode abrir e pechar a súa boca, grazas a que é de maior tamaño e ten a boca articulada; coa outra man móvese un dos brazos do monicreque. Para mover o outro brazo necesítase un axudante.

BASES DO CONCURSO

2009-04-06T22:32:00.000-07:00

1. Cada participante presentará os títeres de deseño propio no local O Escondidiño (Rúa Meixón Frío - Redondela) antes do día 21/5/2009 acompañado dun sobre fechado cos seus datos. No exterior do sobre figurará o título do títere.
2. A técnica de realización do títere é libre
3. O 22/5/2009 un xurado formado por artistas participantes no Festival Internacional de Títeres de Redondela seleccionará un Primeiro Premio, dous Segundos Premio e 3 Accesits. A entrega de premios farase esa tarde no marco do Festival Internacional de Títeres de Redondela.
4. O Primeiro Premio recibirá uha comida cos titiriteiros presentes no Festival, unha camiseta conmemorativa, dúas entradas para o festival e un lote de cervexas.
5. Os Segundos Premios recibirán unha camiseta conmemorativa, dúas entradas para o festival e un lote de cervexas.
6. Os Accesits recibirán unha camiseta conmemorativa
7. Os títeres permanecerán en exposición no local ata o 30/7/2009. Finalizado ese tempo, os participantes poderán recollelos no local.
8. A participación neste concurso supón a aceptación destas bases.